Sodo woreda Court

የዳኝነት አገልግሎትን ለማሻሻል መንግስት በርካታ የማሻሻያ ሥራዎች እየሰራ መቆየቱ የሚታወቅ ነው፡፡ ፍርድ ቤቶችም በየደረጃው  የተሰጣቸውን ተልዕኮ መሰረት በማድረግ  ለህብረተሰቡ ቀልጣፋና ውጤታማ የሆነ የዳኝነት አገልግሎት በመስጠት የዜጎችና የህብረተሰቡን ጥቅም ለማስከበር ከፍተኛ ጥረት እያደረጉ ይገኛል፡፡ ይሁን እንጂ ህብረተሰቡ የሚያገኘው አገልግሎት በተመለከተ አሁንም የመልካም አስተዳደር እና የአገልግሎት አሠጣጥ ችግሮች እንዳሉ በተለያየ ወቅት  እንደሚያነሳ መረዳት ተችሏል፡፡ፍርድ ቤቶች የሚሰጡት አገልግሎት ከአድሎ ያልፀዳና በተለያየ መልኩ የሚገለፅ የአገልግሎት አሰጣጥ ችግር የሚስተዋልበት መሆኑ በተለያዩ ህዝባዊ መድረኮች በሚነሱ የህዝብ አስተያየቶችእንዲሁም በቃልና በጽሁፍ ከሚቀርቡ ቅሬታዎች  ያመለክታሉ፡፡በተለይ  ፍርድ ቤቶች ላይ የሚነሱ የስነ-ምግባር  ጥሰቶች ወንጅል ትግስት የማይደረግባቸው  በመሆናቸው እዘህ ጥሰቶች ሲፈጸሙ ማህበረሰቡ ማገል እንዲችል  ጥቆማዎች መቀበያ ዘዴዎችን  ከክልሉ ጠቅላይ ፍርድ ቤት ጀምሮ እስከ ወረዳ ፍርድ ቤት አመራሮች  ስልክ፣ ኢሜል፣ ማህብራዊ ድህረ ገጾች( ፌስ ቡክ፣ቴሌግራም ) መሰል አሰራሮች የተዘረጉ በመሆኑ ማህበረሰቡ ፣ በመጠየፍ የራሱን አስተዋጾ እንዲያደርግ  እና  ወደ ፍርድ ቤት ሲመጣ ከባለሙያ ጋር በመመካከር  አስፋለጊ ማስረጃዎቹን አሟልቶ ሀቅን ብቻ ተማምኖ እንዲቀርብ እንዲሁም በገንዘቡ እና በዘመድ አዝማድ ጉዳዩን ለመጨረስ ከመሞከር እንዲቆጠብ አደራ እላለው፡፡